ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.

Virðulegi forseti. Ég ætla að samþykkja að málið fái þinglega meðferð en ég hef ýmsar athugasemdir við spurningarnar sem eru settar fram í þessari þingsályktunartillögu og skora hér með á hv. stjórnskipunar- og eftirlitsnefnd að fá sérfræðinga til að gefa umsagnir um orðalag spurninganna.

Ég óska líka eftir því að spurning nr. 5 verði einfaldlega felld út. Ástæðan er sú að stjórnlagaráðið gerir tillögu sem ég er sátt við, um það að 10% kjósenda geti krafist þjóðaratkvæðagreiðslu en ekki 15% og 20% sem eru lakari kostir að mínu mati. Auk þess geri ég tillögu um að í stað spurningar 5, eins og stendur núna, komi ný spurning þar sem þjóðin er spurð álits á því hvort hún vilji gefa frá sér rétt til að krefjast þjóðaratkvæðagreiðslu um skattaleg málefni eins og Icesave þannig að ekki verði komið í veg fyrir að hér verði þjóðaratkvæðagreiðsla aftur ef Icesave kemur inn í þingið.