140. löggjafarþing — 79. fundur, 28. mars 2012.
varamaður tekur þingsæti.
Borist hefur bréf frá Margréti Tryggvadóttur um að hún sé erlendis og geti því ekki sinnt þingstörfum. Í dag tekur sæti á Alþingi varamaður hennar, Jón Kr. Arnarson. Kjörbréf Jóns Kr. Arnarsonar hefur þegar verið rannsakað og samþykkt. Hann hefur ekki tekið áður sæti á Alþingi og ber því að undirskrifa drengskaparheit að stjórnarskránni samkvæmt 2. mgr. 2. gr. þingskapa.
[Jón Kr. Arnarson, 10. þm. Suðurk., undirskrifaði drengskaparheit að stjórnarskránni.]