stjórn fiskveiða.

Frú forseti. Ég þakka hæstv. forseta fyrir að vera búin að beina því til hæstv. forsætisráðherra að koma og vera viðstödd umræðuna því að það hafa komið fram hér í umræðunni ýmsar spurningar og ýmsar vangaveltur sem hæstv. forsætisráðherra ætti að geta svarað og því væri mjög mikilvægt að hæstv. forsætisráðherra tæki þátt í þessari umræðu.

Mig langar að spyrja frú forseta, í ljósi þess að búið er að hafa samband við hæstv. forsætisráðherra, hvort ekki sé eðlilegt að gera hlé á þingfundi þar til hæstv. forsætisráðherra er komin hingað í salinn til að taka þátt í umræðunni. Það er ljóst að hæstv. forsætisráðherra er ekki í húsi og það getur tekið einhvern tíma. Ég hygg að þeir þingmenn sem eru á mælendaskrá, m.a. sá sem hér stendur, vilji að hæstv. forsætisráðherra sé viðstödd umræðuna þannig að hægt sé að beina spurningum til hæstv. forsætisráðherra um þau atriði sem komið hafa fram í umræðunni og hæstv. forsætisráðherra gæti svarað. Er mögulegt að fresta umræðunni eða gera hlé á þingfundi þar til hæstv. forsætisráðherra er komin í hús?