breytt skipan ráðuneyta í Stjórnarráði Íslands.
Forseti. Ég þakka hv. þingmanni andsvarið en spyr aftur hvort ráðuneytið hafi, að mati hv. þingmanns, verið lagt niður við sameininguna 2007 fyrst það er túlkað með þeim hætti í dag að þegar flytja á þessi ráðuneyti til og sameina þau sé verið að leggja ráðuneytið niður. Var annaðhvort sjávarútvegsráðuneytið eða landbúnaðarráðuneytið lagt niður á þessum tíma eða stóðu þau óbreytt eftir?
Sú sameining var vissulega umdeild, við getum tekið umræðu um það síðar, og voru ekkert allir sáttir við það á sínum tíma, eins og réttilega kom fram hjá hv. þingmanni. Eftir stendur þá spurningin: Eigum við að fara til baka? Eigum við að skipta þessum ráðuneytum upp aftur? Skildi ég hv. þingmann rétt varðandi háskólana; er þingmaðurinn þeirrar skoðunar að landbúnaðarháskólarnir, til dæmis á Hólum, fyrst sá skóli var nefndur hér, eigi heima undir sjávarútvegs- og landbúnaðarráðuneytinu eða landbúnaðarráðuneytinu frekar en undir menntamálaráðuneytinu? Telur hv. (Forseti hringir.) þingmaður að það sé galli á sameiningu sem þá var að háskólarnir hafi verið fluttir milli ráðuneyta?