áætlun um vernd og orkunýtingu landsvæða.
Virðulegur forseti. Ég er þeirrar skoðunar að það geti ekki gerst. Ef menn telja að þetta sé fordæmisgildi að færa virkjunarkostina þar sem komu fram nýjar upplýsingar í biðflokk á meðan verið er að athuga þau vafaatriði sem komu upp, þá verð ég að svara spurningu hv. þingmanns neitandi. Samkvæmt lögunum áttu drögin að þingsályktunartillögu að fara í umsagnarferli. Ef við hefðum ekki ætlað að taka mark á þeim umsögnum sem komu inn, sem reyndust vera 225, af hverju í ósköpunum vorum við að setja það í lög að fara í þetta umsagnarferli? Þegar við fórum í gegnum umsagnirnar reyndust þar vera atriði sem við ráðherrarnir treystum okkur ekki til að líta fram hjá. Þess vegna flokkuðum við þessa virkjunarkosti í biðflokk (Forseti hringir.) af því að hann er til þess ætlaður á meðan svarað er spurningum og vafaatriðum sem upp koma í (Forseti hringir.) ferlinu.