breytt skipan ráðuneyta í Stjórnarráði Íslands.

Virðulegi forseti. Ég get í meginatriðum tekið undir það sem hér hefur verið sagt. Ég vil einungis árétta þetta: Uppi er sú krafa og hefur alla tíð verið að Alþingi vandi allt sitt starf og alla sína löggjöf. Hrun á fjármálamarkaði breytti þar engu um. Það hefur aftur á móti verið meira rætt eftir hrun, eðli málsins samkvæmt. Dæmi um það sem hefur verið rætt er verkaskipting ráðuneyta, meðferð framkvæmdarvaldsins o.s.frv.

Ég er þeirrar skoðunar að ákveðin íhökunarpólitík sé fólgin í því að segja: Við ætlum að klára þetta mál — þ.e. breytt fyrirkomulag Stjórnarráðsins, bara til að geta sagst vera búin að gera það, en láta sig síður varða hversu vel úthugsuð breytingin er. Það er því merkt við, „ég er búinn að gera þetta“ en minna látið sig varða gæði vinnunnar. Þá bendi ég sérstaklega á þá umræðu (Forseti hringir.) sem ég vakti hér máls á og aðrir hafa gert varðandi fjármálamarkaðinn og eftirlit með honum og samspil þess við ríkisstofnanir.