frávik vegna styrkja úr sjóði er fjármagnar aðstoð við umsóknarríki Evrópusambandsins.
Hæstv. forseti. Mig langar að beina spurningu til hv. þingmanns varðandi þetta mál. Miðað við efni þess er tilgangurinn að greiða fyrir þróunaraðstoð bandalagsins sem veitt er í þágu tilgreindra verkefna, ef ég skil málið rétt og er að tala um rétt mál. Sú hugsun sem er á bak við þetta er að aðildarumsókn Íslands að Evrópusambandinu fylgi — ég tel ekki hægt að skilja þetta á nokkurn annan hátt. Meginverkefnið er að lækka tiltekna skatta og gjöld.
Ég velti fyrir mér: Má sjá þess stað í komandi þingmálum þeirra þingmanna sem styðja þetta mál að þeir hyggist fara í samsvarandi aðgerðir varðandi íbúa hér á landi, varðandi lækkun skatta á íslenska ríkisborgara?