ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.

Frú forseti. Ég ætla kannski ekki að gera orð hv. þingmanns að mínum. Hins vegar blasir við og er öllum ljóst að ríkisstjórnin hefur átt í miklum erfiðleikum með að koma málum í gegn sem raunverulega skipta máli. Maður sér það á forgangslista ríkisstjórnarinnar núna. Skoðum hvaða mál það voru sem hæstv. forsætisráðherra vildi ólmur koma í gegn. Það voru breytingar á Stjórnarráðinu, stjórnlagaráðstillögurnar, veiðigjaldafrumvarpið og fiskveiðistjórnarkerfið. Ég held að þetta séu ekki málin sem valda því að unga fólkið er að flytja úr landi.

Ég fékk tövupóst frá góðum félaga mínum í síðustu viku. Hann hefur verið við nám erlendis og er að velta fyrir sér að koma heim. Hann er ekki að bíða eftir því að stjórnarskráin breytist upp á það hvort hann komist heim. Hann er að bíða eftir því að það verði tekið á málefnum einstaklinga og fyrirtæki, atvinnulífinu komið af stað, framleiðsla aukin og tekið á skuldavanda heimila og einstaklinga sem ráða ekki við sín mál, (Forseti hringir.) tekið á verðtryggingunni o.fl. Þetta eru stóru málin sem skipta mestu máli og brenna á fólki í dag en ekki (Forseti hringir.) þær tillögur sem ríkisstjórnin leggur fram í þessu máli eða öðrum.