störf þingsins.
Frú forseti. Mig langar að fara yfir forgangsröðun ríkisstjórnar sem hefur sett jafnrétti í öndvegi.
1. Aldrei færri karlmenn hafa tekið fæðingarorlof.
2. Kynbundinn launamunur hjá hinu opinbera er meiri en í áraraðir og vex nú að nýju.
3. Hlutfall kvenna í áhrifastöðum fyrirtækja hefur ekkert breyst.
4. Jafnréttisvottun fyrirtækja hefur algjörlega setið á hakanum hjá þessari ríkisstjórn.
5. Aðallega konum hefur verið sagt upp hjá ríkinu á undanförnum missirum og árum.
6. Hér er forsætisráðherra sem hefur gerst brotlegur við jafnréttislög.
Í jafnréttismálum eins og í öðrum mikilvægum málum hafa efndir ekki fylgt orðum hjá þessari ríkisstjórn.