ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.

Virðulegi forseti. Þessi spurning er algjörlega óskiljanleg vegna þess að samhliða er ekki verið að taka afstöðu til annarra spurninga sem skipta mjög miklu máli í þessu sambandi. Í fyrsta lagi: Er sá sem greiðir atkvæði með þessari spurningu um leið að segja að hann hafni málskotsrétti forseta Íslands, hafni því að það ákvæði sé í 26. gr. stjórnarskrárinnar?

Það hefur líka oft verið rætt um að það væri eðlilegt að minni hluti Alþingis gæti kallað eftir því að tiltekið mál færi í þjóðaratkvæðagreiðslu. Það fyrirkomulag er til í danska þinginu. Erum við þá að taka afstöðu gegn þeirri hugmynd líka með afstöðunni gagnvart þessari spurningu? Þessa spurningu, alveg eins og í spurningunni áðan þegar ég nefndi jafnt vægi atkvæða kjósenda, verða menn að skoða í einhverju samhengi. Það er ekki gert. Þetta er gjörsamlega vanbúin (Forseti hringir.) og illa unnin spurning, illa unnið plagg og við hljótum þess vegna að hafna þessari spurningu.