myndlistarlög.
Hæstv. forseti. Ég vil byrja á því að þakka hv. allsherjar- og menntamálanefnd fyrir góða samvinnu og samstöðu í þessu máli en hér er í fyrsta skipti mótuð heildarumgjörð um skipan myndlistarmála og styrkveitingar ríkisins við málaflokkinn. Frumvarpið kemur í stað laga um Listasafn Íslands, sem er höfuðsafn á sviði myndlistar, og eins um Listskreytingasjóðs ríkisins. Myndlistarráð og Myndlistarsjóður Íslands eru nýmæli. Myndlistarráði er ætlað að vera ráðherra til ráðgjafar og stuðla að kynningu á íslenskum myndlistarmönnum og annast úthlutun úr Myndlistarsjóði, en hlutverk sjóðsins er að veita fjárhagslegan stuðning til verkefna á sviði myndlistar.
Ég tel að við séum hér að stíga mikið framfaraskref og stuðla að því að myndlistin standi jafnfætis öðrum listgreinum hvað varðar möguleika á stuðningi við listsköpun.