staða ESB-umsóknarinnar.
Virðulegur forseti. Eins og kemur fram í orðum hv. þingmanns þá er um að ræða töluverða hópa í samfélaginu sem eru sannfærðir um hvaða niðurstaða fáist úr (Gripið fram í: Svaraðu …) þjóðaratkvæðagreiðslunni. (Gripið fram í: Svaraðu spurningunni.) Hins vegar er stór hópur á landinu, stuðningsmenn Framsóknarflokks, Vinstri hreyfingarinnar – græns framboðs og annarra flokka, sem vill upplýsingarnar. Það er lýðræðisleg skylda okkar, að mínu mati, að tryggja að þær upplýsingar liggi fyrir þó að ég deili í sjálfu sér þeirri skoðun með hv. þingmanni að Íslandi sé betur borgið utan Evrópusambandsins en innan.
Það sem ég sagði í maí og varðaði þjóðaratkvæðagreiðslu snerist um að reifa einn af mörgum möguleikum sem eru á því í opnu pólitísku samtali hvaða skref er eðlilegt að taka næst.