stjórnarskipunarlög.
Virðulegi forseti. Það þykir sums staðar og mér þykir það vera grundvallarmannréttindi að atkvæði allra vegi jafnt. Í þessu frumvarpi er það lagt til. Á móti kemur að í grein um sveitarfélög er hert á hlutverki þeirra.
Í 2. mgr. 105. gr. segir, með leyfi forseta:
„Sveitarfélög skulu hafa nægilega burði og tekjur til að sinna lögbundnum verkefnum.“
Það verður aldeilis mikil breyting ef þetta kemur í stjórnarskrá.
Síðan kemur nálægðarreglan í gr. 106:
„Á hendi sveitarfélaga, eða samtaka í umboði þeirra, skulu vera þeir þættir opinberrar þjónustu sem best þykir fyrir komið undir staðbundinni stjórn þeirra svo sem nánar skal kveðið á um í lögum.“
Þetta yrði bylting. Það yrði bylting ef í stjórnarskránni væri sveitarfélögum tryggt fé til að standa undir því sem best er komið sem næst fólkinu.