fjárlög 2013.

Frú forseti. Hér ræðum við um að setja auknar fjárveitingar í Evrópusambandsumsóknina. Ég rifja það upp hér að meiri hluti þjóðarinnar er andsnúinn stefnu ríkisstjórnarinnar í þessu máli. Meiri hluti þjóðarinnar er andsnúinn Evrópusambandsaðild. Meiri hluti þjóðarinnar vill samkvæmt ítrekuðum skoðanakönnunum draga Evrópusambandsumsóknina til baka.

Það er fróðlegt að fylgjast með ráðherrum hér á ráðherrabekknum sem kenna sig við norræna velferð um leið og við horfum upp á að búið er að skera niður á Landspítalanum um yfir 20%. Við horfum upp á að hjúkrunarfræðingar flýja til Noregs og við horfum upp á að verið er að veita hundruð milljóna aftur og aftur til mála sem þjóðin er andsnúin. Verði ykkur að góðu.