vernd og orkunýting landsvæða.

Hæstv. forseti. Ég get svarað því neitandi. Mér finnst bara dálítið sérstakt að allar ábendingar sem tekið var mark á voru í aðra áttina. Það var sama slagsíðan á öllum þeim ákvörðunum sem voru teknar og voru þó rök, sjónarmið og gögn sem hnigu í aðra átt varðandi aðra kosti sem líka komu fram í umsagnarferli. Það var ákvörðun ráðherranna, og ef ég man rétt sagði hæstv. umhverfisráðherra það sennilega við umræður í vor, eða viðhorf þeirra að þeim bæri að taka meira tillit til umsagna og ábendinga sem hnigu í verndarátt frekar en nýtingarátt. Það byggir auðvitað á pólitísku mati, á pólitískum viðhorfum og hugmyndafræðilegum sjónarmiðum sem ekki er sátt um.

Ég hef ekki haldið því fram að ráðherrarnir hafi brotið lög en ég veitti því athygli að slagsíðan er ótvíræð.