menntun og ráðning kennara og skólastjórnenda við leikskóla, grunnskóla og framhaldsskóla.

Frú forseti. Tildrög þessa máls eru þau að nefndinni bárust ábendingar frá nemendum í námi til B.Ed.-gráðu til kennaramenntunar og luku námi sínu fyrir 1. júlí 2012 en gættu þess ekki að sækja um leyfisbréf samkvæmt þargildandi lögum um menntun og ráðningu kennara og skólastjórnenda við leikskóla, grunnskóla og framhaldsskóla fyrir þann tíma. Nefndin ákvað samhljóða að flytja lagafrumvarp sem fellir á brott frest til að sækja um leyfisbréf til mennta- og menningarmálaráðuneytis. Þess í stað er lagt til grundvallar að þeir sem hafi byrjað fullgilt kennaranám samkvæmt námsskipulagi eldri laga um lögverndun þessa náms eigi rétt á útgáfu leyfisbréfs og sé sá réttur ótímabundinn hafi þeir lokið náminu fyrir 1. júlí 2012 og svo bætum við við þeim sem hefðu lokið námi fyrir þann tíma eða hefðu við lok vormissiris 2011 átt 30 einingum eða færri ólokið til prófs. Þetta kemur til móts við hóp fólks sem stundaði þetta nám (Forseti hringir.) en hefði ekki fengið réttindi út af því að það sótti ekki um leyfi áður en fresturinn rann út.