141. löggjafarþing — 59. fundur, 20. des. 2012.
vörugjöld og tollalög.
473. mál
Virðulegi forseti. Ég þakka hv. þm. Skúla Helgasyni fyrir þessa athugasemd. En ég mundi vilja spyrja hv. þingmann: Hver er ástæðan fyrir því að meiri hluti efnahags- og viðskiptanefndar var ekki tilbúinn til þess að leggja sig meira fram við að ná yfirlýstum markmiðum frumvarpsins um manneldissjónarmið og reyna að draga úr neyslu á sykruðum vörum og bregðast þannig við þeim athugasemdum sem komu frá embætti landlæknis?