ákvörðun ríkisstjórnarinnar um að hægt verði á viðræðum við ESB.

Forseti. Ég þakka umræðuna. Ég er með nokkrar spurningar til hæstv. utanríkisráðherra.

Hæstv. ráðherra hefur orðið tíðrætt um að hann fylgi einatt vilja þingsins. Því langar mig að spyrja: Hvar er samráðið við þingið um ákvarðanatökurnar? Ég óska jafnframt eftir að fá stöðufund eða jafnvel upplýsingar um fríverslunarsamning Íslands við Kína, ef hæstv. ráðherra vildi vera svo góður.

Við í utanríkismálanefnd höfum ekki fengið neinar almennilegar upplýsingar um stöðuna, en mikið er rætt um það í samfélaginu að lagður hafi verið mikill kraftur undanfarið í þær viðræður og þætti mér og efalaust öðrum þingmönnum mjög gagnlegt að fá að vita nákvæmlega hver staðan er í því máli. Jafnframt óska ég eftir því að utanríkismálanefnd fái að sjá samninginn.

Í ljósi umræðunnar um evruna langar mig að spyrja hæstv. ráðherrann um sýn hans á hversu fljótt við getum tekið upp evruna á miðað við að ákveðið hefur verið að hægja á ferlinu án nokkurs samráðs við Alþingi sem þó greiddi atkvæði um að fara í það ferli. Ég bið hæstv. ráðherra um að svara undanbragðalaust.