stjórnarskipunarlög.
Virðulegi forseti. Ég þakka hv. þingmanni kærlega fyrir ræðu hans. Það er svo mikið að ræða í þessu frumvarpi að svo stuttur ræðutími dugar náttúrlega ekki.
Mig langar að spyrja þingmanninn hvort hann hafi heyrt um það áður að frumvarp komi ekki inn í þingið með tilbúinni greinargerð. Nú hefur það komið í ljós þann stutta tíma sem stjórnskipunar- og eftirlitsnefnd hefur haft frumvarpið til vinnslu í nefnd að greinargerð með frumvarpinu er ónothæf. Nefndinni hefur verið ráðlagt að reyna að lappa upp á það með nefndaráliti og framhaldsnefndaráliti þannig að lögskýringargögnin eru komin niður í framhaldsnefndarálit og ræður þingmanna. Er þetta boðlegt þegar stjórnarskráin sjálf liggur undir?