verðbréfasjóðir, fjárfestingarsjóðir og fagfjárfestasjóðir.

Virðulegi forseti. Við 2. umr. lýsti ég áhyggjum mínum af því að samþykkt frumvarpsins mundi fjölga möguleikum vogunarsjóða til að sniðganga höftin. Seðlabankinn telur að ekki sé hætta á því, lögin um gjaldeyrishöftin skylda bæði innlenda og erlenda verðbréfasjóði til að bera allar fjármagnshreyfingar sjóðanna undir Seðlabankann.

Virðulegi forseti. Ég óttast hins vegar að atburðarásin sem fer í gang við afnám gjaldeyrishafta verði ógagnsæ þar sem við erum stöðugt að innleiða nýjar ESB-tilskipanir um frjálst flæði fjármagns. Seðlabankinn mun því, þegar hann hefur afnám gjaldeyrishaftanna, eiga mjög erfitt með að meta afleiðingar þess að fara í afnámsáætlunina. Ég hef því ákveðið að sitja hjá.