vörugjald og tollalög.

Hæstv. forseti. Þegar ég sá frumvarpið voru fyrstu viðbrögð mín þau að velta því fyrir mér hvort þarna væri um að ræða einhvers konar leiðréttingar vegna mistaka eða skorts á athugun á málinu þegar það var lagt fram í desember. Ég vil biðja hæstv. ráðherra að tjá sig um það. Í annan stað þá vil ég spyrja hv. þingmann, bara til þess að átta mig á því af því að það er ekki gott fyrir okkur þingmenn að átta okkur á þessum tollskrárnúmerum í fljótu bragði: Er það rétt skilið hjá mér að þetta muni ekki hafa áhrif á hagsmuni ríkissjóðs? Summan af þessu verður hvorki til lækkunar né hækkunar og ekki er verið að létta gjöldum af neinum. Hvernig sér hæstv. ráðherra fyrir sér að þetta komi út?