aðgerðir til að draga úr reglubyrði atvinnulífsins og efla samkeppni.
Virðulegur forseti. Þetta er prýðisgóð ábending og atriði sem við skoðuðum nokkuð. Hvað varðar fjárhag ríkisins liggja fyrir aðferðir til að leggja mat á ákvarðanir sem hafa áhrif þar á og að nokkru leyti um sveitarfélögin líka í sveitarfélagalögunum. Ég er hins vegar algjörlega sammála því að hugsanlega megi bæta þar við en sérstaklega er ég sammála punkti hv. þingmanns um að líka eigi skoða áhrif íþyngjandi regluverks á heimilin. Það er markmiðið að fylgja þessu eftir með því að skoða áhrif á heimilin. Það var hins vegar tekin ákvörðun um að byrja á regluverki sem hefur áhrif á atvinnulífið í samráði við sérfræðinga sem hafa komið að slíkri lagasetningu erlendis. Þeir ráðlögðu okkur að byrja á því að gera þetta fyrir atvinnulífið og læra af þeirri reynslu og nýta hana til að koma til móts við heimilin.