fjáraukalög 2013.

Virðulegi forseti. Fyrir liggur ný spá sem hefur meira gildi og vægi en spáin sem hæstv. þingmaður segir að fjáraukalagafrumvarpið byggi á. Það er spá Hagstofunnar um hagvöxt upp á 2% frá því 15. nóvember sl. Í staðinn er ákveðið að halda sig við spána frá því í júní og ég spyr hvers vegna menn byggi ekki á nýjustu og bestu upplýsingum sem völ er á.

Ég spurði líka að þessu í umræðum um frumvarpið sjálft. Þá var mér sagt að menn mundu væntanlega taka tillit til þessa í fjárlagavinnunni en mér heyrist á formanni fjárlaganefndar að það hafi ekki verið gert.

Eins og hæstv. þingmaður sagði sjálf skiptir hvert prósent gríðarlega miklu máli í hagvexti hvað varðar tekjuhlið fjárlagafrumvarpsins. Við megum því vænta þess að niðurstaðan verði alls ekki 30 milljarða kr. svarthol sem fráfarandi ríkisstjórn (Forseti hringir.) á að hafa skilið eftir sig heldur eitthvað miklu nær því sem fjárlagafrumvarp ársins (Forseti hringir.) segir í raun og veru til um.