fjáraukalög 2013.

Virðulegur forseti. Svo að það valdi nú engum misskilningi okkar á milli, mín og hæstv. utanríkisráðherra, þá væri ánægjulegt ef hann gerði betur efnislega grein fyrir því í hverju þessi breyting fólst. Það að því hafi verið breytt dugar illa úr munni ráðherra í ríkisstjórn Sigmundar Davíðs Gunnlaugssonar, því miður. Það er nú orðinn sá háttur á að menn segi eitt í dag og annað á morgun. Það væri því ánægjulegt ef hæstv. ráðherra gerði betur grein fyrir því hvað í verkferlunum var þess eðlis að fara þyrfti betur yfir það og hvernig þær breytingar voru sem hæstv. ráðherra nefnir hér.