fjáraukalög 2013.
Virðulegi forseti. Ég kveð mér hljóðs undir liðnum fundarstjórn forseta, sem mér finnst vera með afbrigðum góð það sem af er. En ég vil líka eins og aðrir vekja athygli á því að mér finnst mjög slæmt að hæstv. ráðherrar hafi ekki séð ástæðu til að fylgjast með þessum umræðum og vera hér í salnum í dag og í kvöld. Ég held að full ástæða sé til þess, eins og komið var inn á, að fá hæstv. húsnæðismálaráðherra, félagsmálaráðherra, hingað til að fjalla um og hlýða á umræður um út af hverju í ósköpunum ekki er desemberuppbót fyrir atvinnuleitendur.
Ég tek líka undir það sem snýr að menntamálaráðherra sem virðist ætla með annarri hendinni að gjörbreyta og stytta nám til stúdentsprófs — það er greinilega eitthvað sem er ekki að fara rétta leið í gegnum sali Alþingis.