fjárlög 2014.

Hæstv. forseti. Já, nýhægri stefna eða ekki, ég kann ekki alveg að skilgreina það. Mér finnst þeir kannski vera meira til hægri. En samt er þessi aðgerð sem þeir hafa farið í — ég held að ekki sé hægt að finna sósíalískari aðgerð en það að ríkisvæða einkaskuldir, sem þetta í raun er. (Gripið fram í.) Já, fyrir mér snýst þetta um heimilin — í kosningabaráttunni var þetta orð allt of mikið áberandi. Við höfðum engan tíma til að ræða neitt annað, um menntamál, félagsmál eða hvað eina. Þetta var ofboðslega áberandi í umræðunni og ekki skrýtið því að hér varð hrun og fullt af fólki tapaði gríðarlegum eignum og lenti í ofboðslegum vanda.

Ég hefði aldrei gengið fram með svona loforð nema vera með það algjörlega á hreinu að ég gæti staðið við þau. En menn starfa á misjafnan hátt í pólitík.