fjárlög 2014.
Herra forseti. Það væri ánægjulegt ef ég gæti staðið hér og útskýrt það sem hv. formaður fjárlaganefndar segir og lætur falla bæði í ræðustóli og í fjölmiðlum. Ég hef það ekki á valdi mínu. En eins og kom fram í máli hv. þingmanns erum við að tala um alveg gríðarlega mikil þáttaskil og það sem er dapurlegast við þau þáttaskil er skortur á framtíðarsýn, það er það sem er erfiðast.
Það er engin framtíðarsýn, það er engin atvinnustefna og ójöfnuður er aukinn með markvissum hætti, og það er í raun og veru algjörlega með ólíkindum að berjast fyrir því, finnst okkur sjálfsagt sem aðhyllumst samfélagslegan jöfnuð. En þetta er staðan.