tekjuaðgerðir fjárlagafrumvarps 2014.

Virðulegi forseti. Við styðjum ekki þetta frumvarp við endanlega afgreiðslu. Við styðjum álagningu bankaskattsins og teljum mikilvægt að hann sé eins vel úr garði gerður og kostur er.

Í þessu frumvarpi sjást afleiðingar þess handahófskennda krafs sem hefur einkennt samsetningu fjárlaganna á síðustu metrunum, þar með talin sú breyting sem ég átel sérstaklega varðandi vaxtabæturnar þar sem fólk á meðaltekjum sem keypti húsnæði sitt eftir 2010 og mun ekkert fá út úr aðgerðunum miklu á næsta ári mun þurfa að sæta því að forsendur íbúðakaupa þeirra standist ekki fyrir tilverknað þessarar ríkisstjórnar.