aðildarviðræður við Evrópusambandið.
Forseti. Ég held að ræðumaðurinn hv. þm. Pétur H. Blöndal hafi sagt það fyrr í umræðum að hann hafi tekið eftir því að þeir sem voru með aðildarumsókn séu með núna og þeir sem voru á móti séu á móti núna. Það má til sanns vegar færa að miðað við ræðu hv. þingmanns hefur skoðun hans ekki breyst. Ég á þó erfitt með að trúa því vegna þess að hv. þingmaður er yfirleitt mjög málefnalegur. Mér finnst eins og hann hafi hugsanlega ekki lesið þessa skýrslu. Hvar kemur fram í skýrslunni að Evrópusambandið stefni óðfluga að ríkjasambandi og við gætum því, eins og þingmaðurinn segir, alveg eins gengið í Bandaríkin?