143. löggjafarþing — 68. fundur, 25. feb. 2014.
úrskurður forseta um stjórnartillögu.
Forseti bregst vel við því að haldinn verði forsætisnefndarfundur síðar í dag, t.d. í kvöldverðarhléi, en að öðru leyti vill forseti segja að það er regla að úrskurður sé kveðinn upp af forseta á forsetastóli við erindum af þessu tagi. Það var mat forseta að það væri eðlilegt og skynsamlegt og undir það hefur mér heyrst menn taka hér í umræðunni, að kveða upp þennan úrskurð jafn skjótt og hann var tilbúinn og hann var tilbúinn áður en þessi þingfundur hófst.