aðildarviðræður við Evrópusambandið.

Herra forseti. Eins og ég rakti í ræðu minni biðlaði ég í raun til margra góðra þingmanna sem eru í stjórnarmeirihluta, sem ég þekki af góðu og hef átt gott samstarf við í nefndum þingsins. Það er skynsamt fólk í öllum flokkum og ég vona að það búi við það frelsi í flokkum sínum að fá að taka sjálfstæðar ákvarðanir og að það geti hreinlega fylgt sannfæringu sinni. Ég vona að því sé þannig farið í öllum flokkum og það sé ekki einhver lúxus sem við búum við í Bjartri framtíð.