aðildarviðræður við Evrópusambandið (skýrsla).
Virðulegi forseti. Ég stend mig að því að verða meira og meira sammála hv. þm. Guðbjarti Hannessyni um þetta mál allt saman. Ég vil samt spyrja hv. þingmann út í þjóðaratkvæðagreiðslurnar. Nú skil ég rökin fyrir því að þessar viðræður séu í raun og veru ekki aðlögunarferli í þeim skilningi sem kannski Heimssýn mundi segja að þær væru. En þá velti ég fyrir mér hvort ekki hefði verið skynsamlegra upp á pólitískt lögmæti, bara til að forðast svona uppákomur, að fara í þjóðaratkvæðagreiðslu um málið til þess að lögmætið væri alveg skýrt. Ég velti fyrir mér sjónarmiðum hv. þingmanns í þeim efnum.