aðildarviðræður við Evrópusambandið.
Hæstv. forseti. Ég hafði hlakkað mjög til að heyra ræðu hv. þingmanns til þess að heyra hvaða afstöðu hann hefur gagnvart skýrslunni sem er til umræðu, en stystur (Gripið fram í.)tími ræðunnar fór í þá umræðu og meiri í allt annað mál sem beðið er eftir að komist hér á dagskrá. Ég vil hvetja hv. þingmenn til þess að beita sér fyrir því að það komist sem fyrst á dagskrá þannig að við getum rætt það mál efnislega.
Hv. þingmaður minntist á að við ræddum ekkert um undanþágur og sérlausnir. Ég eyddi ræðu minni í þessu máli í að ræða um undanþágur og sérlausnir, sem hv. þingmaður hefur þá misst af.
Mig langar að spyrja hv. þingmann: Hversu margar undanþágur og sérlausnir hafði fyrrverandi ríkisstjórn, sú ríkisstjórn sem hv. þingmaður studdi, þegar náð fram í þeim samningaviðræðum sem stóðu yfir í tæp fjögur ár við Evrópusambandið? Hversu mörgum atriðum varðandi undanþágur og sérlausnir hafði fyrrverandi ríkisstjórn náð fram á þeim tæpum fjórum árum sem hún hafði til þess að semja við Evrópusambandið? (Forseti hringir.)