Vestnorræna ráðið 2013.
Hæstv. forseti. Ég þakka hv. þingmanni kærlega fyrir þetta andsvar. Þetta er mjög mikilvægur punktur. Ég vonast til að við náum fram slíkum fundi. Það var fjallað um það á ársfundi ráðsins í Narsarsuaq að reyna að fá það sem fastan lið á dagskrá, helst í tengslum við ársfund Vestnorræna ráðsins, að utanríkisráðherrar hittust, þeir sem gegna því hlutverki í ríkisstjórnunum og landsstjórnunum. Vonandi tekst það.
Ég veit að það hefði tekist á þeim tíma sem hv. þingmaður var hæstv. ráðherra, ég efa það ekki, en við ætlum að reyna aftur og á fundinum í Vestmannaeyjum vonast ég svo sannarlega til að það takist.