skýrsla rannsóknarnefndar Alþingis um Íbúðalánasjóð o.fl.

Hæstv. forseti. Ég geri það að reglu minni að hlusta vel þegar hv. þm. Vilhjálmur Bjarnason mælir um efnahagsmál. Ég er ánægður að heyra að við erum sammála um þessa framsetningu á 90% lánunum og að þau hefðu sannarlega ekki valdið þenslunni.

Hv. þm. Vilhjálmur Bjarnason kom inn á í ræðu sinni það samfélagslega tjón sem varð hér á árunum 2005–2008, sérstaklega hjá þeim sem tóku lán á þeim tíma, hann leiðréttir mig ef ég er ekki með árin á hreinu. En við getum sannnarlega samglaðst, vænti ég, þar sem við erum að fara í þá sameiginlegu vegferð að leiðrétta þann forsendubrest sem varð, trúi ég, mestur á þeim lánum sem voru tekin á þessum tíma.