143. löggjafarþing — 84. fundur, 31. mars 2014.
aðgengi fatlaðs fólks að kirkjum og safnaðarheimilum.
379. mál
Frú forseti. Aðgengi er víðfeðmara hugtak en svo að það snúist einvörðungu um það að komast inn eða út úr byggingum. Aðgengi snýst um að geta tekið þátt í samfélaginu. Aðgengi er raunar forsenda þátttöku. Til þess er nauðsynlegt að líta þegar úttektir eru gerðar á aðgengi, ekki bara hvort fólk komist inn í byggingu heldur ekki síður hvort fólk geti tekið þátt í þeirri félagslegu athöfn sem í byggingunni fer fram því að í þátttökunni felst hið raunverulega aðgengi.