leiðrétting verðtryggðra fasteignaveðlána.

Virðulegi forseti. Ég tel nefnilega að þessi leið gæti verið í rauninni vítahringur fyrir ákveðinn hóp. Hér var sagt áðan að greiðslubyrði heimilanna gæti lækkað um allt að 13 þús. kr. á mánuði. Það eru fjölskyldur í landinu, sem eiga kannski tvö, þrjú börn, með greiðslubyrði af þeirri grunnþjónustu sem þær þiggja hjá sveitarfélögunum upp á kannski um 80–100 þús. kr. á mánuði. 13 þús. kr. munu ekki duga langt ef sveitarfélögin þurfa síðan að fara í að hækka fasteignagjöld eða að hækka gjöld á grunnþjónustu. Þá spyr ég: Til hvers var af stað farið?