leiðrétting verðtryggðra fasteignaveðlána.
Herra forseti. Ég vil byrja á að þakka hv. þm. Margréti Gauju Magnúsdóttur fyrir ágæta ræðu.
Eitt og annað truflaði mig. Í fyrsta lagi: Eiga sveitarfélögin útsvar og aðrar tekjur um alla framtíð? Er þá búið að skilgreina það þannig að þau eigi þann hlut í tekjum almennings?
Síðan sagði hv. þingmaður að ef aumingja sveitarfélögin lentu í þessum bágindum þyrftu þau að skerða þjónustu eða hækka gjöld og skatta. Þá er spurningin: Er ekkert til sem heitir betri rekstur hjá sveitarfélögunum?