áætlun um vernd og orkunýtingu landsvæða.

Virðulegi forseti. Ég tel alveg einboðið að við förum ekki að afgreiða þetta mál til nefndar fyrr en það liggur fyrir hvort einhver fordæmi eru fyrir svona loftfimleikum í heimvísun mála til nefnda.

Hér var ágætisfriður um þingstörfin í dag og búið að ákveða að hafa nefndarfund eldsnemma í fyrramálið. Ég er einn af þeim sem á að vera mættur á fund í fyrramálið og á eftir að lesa eitthvað meira í þessum doðröntum sem okkar bíða.

Lykilatriðið er að forseti getur ekki gengið fram með þessum hætti. Ef hér á að halda áfram fundi verður að gera hlé fyrir þingflokksformannafund, fara yfir þessi mál og ræða þau í þaula. Þá verður að finna leiðir í þessu máli og ég skil ekki af hverju stjórnarmeirihlutinn hefur svona gaman af því að koma hér öllu í bál og brand, (Forseti hringir.) efnir til átaka aftur og aftur algjörlega að ástæðulausu.