gjaldskrárlækkanir o.fl.
Frú forseti. Ég er ekki sammála hv. þingmanni í öllu, sér í lagi ekki varðandi stýringu á neyslu fólks.
Mig langar að spyrja þingmanninn. Ef við erum alveg sanngjörn sagði ríkisstjórnin í yfirlýsingu 21. desember 2013, rétt fyrir jólin, sem var kynnt Samtökum atvinnulífsins og Alþýðusambandi Íslands í tengslum við gerð kjarasamninga, með leyfi forseta:
„Ríkisstjórn lýsir því yfir að hún muni við samþykkt kjarasamninga endurskoða til lækkunar vissar breytingar á gjöldum sem samþykktar hafa verið í tengslum við afgreiðslu fjárlaga 2014 til að stuðla að því að verðlagsáhrif, sem af þeim leiði, verði minni en ella og innan verðbólgumarkmiða Seðlabanka Íslands (2,5%).“
Viðmiðið er 2,5%.
Svo kemur í kjölfarið, með leyfi forseta:
„Lækkun ofangreindra gjalda úr 3% í 2%, eða um 1%, eins lagt er til í þessu frumvarpi tekur mið af þessari yfirlýsingu.“
Ef við gætum fyllstu sanngirni og þessi hækkun um 3% er færð niður um 1%, er þá ríkisstjórnin ekki komin innan þess ramma sem hún gaf út í þessari yfirlýsingu rétt fyrir jól og kynnt var Samtökum atvinnulífsins og ASÍ?