143. löggjafarþing — 108. fundur, 12. maí 2014.
séreignarsparnaður og ráðstöfun hans til greiðslu húsnæðislána og húsnæðissparnaðar.
484. mál
Hæstv. forseti. Þvert á móti gerist það í þessu tiltekna frumvarpi að þá er fólk að spara og það hvetur til sparnaðar og dregur úr neyslu. Það er það sem felst í þessu tiltekna frumvarpi og þess vegna spilar það mjög vel saman með því frumvarpi sem hv. þingmaður er mikið meira að tala um og við ræðum væntanlega á morgun.
Ég vil spyrja hvort honum finnist slík úrræði sem þetta tiltekna frumvarp felur í sér, það hvetur til sparnaðar, ekki skynsamleg hagstjórn.