143. löggjafarþing — 109. fundur, 13. maí 2014.
leiðrétting verðtryggðra fasteignaveðlána.
485. mál
Hæstv. forseti. Ég þakka hv. þingmanni svarið. Hann talar gjarnan um ójafnræði, mismunun og ósanngirni. Þessi aðgerð er almenn, það er hárrétt hjá honum, hún nær til 69 þúsund heimila sem eiga rétt á leiðréttingu. Þegar við nefnum forgangsröðun og sanngirni má t.d. spyrja af hverju ákveðinn hópur í 110%-leiðréttingunni var tekinn fram yfir öryrkja, leigjendur, lánsveðshópinn og ellilífeyrisþega. Þar fékk 1% heimila helming niðurfærslunnar, um 20 milljarða.