stefnuræða forsætisráðherra og umræður um hana.

Nú flytur hæstv. forsætisráðherra stefnuræðu sína fyrir hönd ríkisstjórnarinnar og fram munu fara umræður um hana sem verður útvarpað og sjónvarpað héðan úr Alþingishúsinu. Umræðurnar skiptast í þrjár umferðir. Forsætisráðherra hefur 20 mínútur til framsögu en aðrir þingflokkar en þingflokkur forsætisráðherra hafa 12 mínútur í fyrstu umferð, í annarri umferð hafa þingflokkarnir sex mínútur en í þeirri þriðju fimm mínútur hver þingflokkur.

Röð flokkanna er í öllum umferðum þessi: Framsóknarflokkur, Samfylkingin, Vinstri hreyfingin – grænt framboð, Sjálfstæðisflokkur, Björt framtíð og Píratar.

Fyrir Framsóknarflokk tala Sigmundur Davíð Gunnlaugsson, forsætisráðherra og dómsmálaráðherra, í fyrstu umferð, í annarri Vigdís Hauksdóttir, 2. þm. Reykv. s., og í þriðju umferð Gunnar Bragi Sveinsson utanríkisráðherra.

Ræðumenn Samfylkingarinnar verða í fyrstu umferð Árni Páll Árnason, 4. þm. Suðvest., Katrín Júlíusdóttir, 11. þm. Suðvest., í annarri og Kristján L. Möller, 7. þm. Norðaust., í þriðju umferð.

Ræðumenn fyrir Vinstri hreyfinguna – grænt framboð verða Katrín Jakobsdóttir, 3. þm. Reykv. n., í fyrstu umferð, í annarri Steinunn Þóra Árnadóttir, 8. þm. Reykv. n., og í þriðju umferð Steingrímur J. Sigfússon, 4. þm. Norðaust.

Ræðumenn fyrir Sjálfstæðisflokk verða Bjarni Benediktsson, fjármála- og efnahagsráðherra, í fyrstu umferð, Ragnheiður Ríkharðsdóttir, 3. þm. Suðvest., í annarri umferð og Guðlaugur Þór Þórðarson, 7. þm. Reykv. s., í þriðju umferð.

Fyrir Bjarta framtíð tala í fyrstu umferð Guðmundur Steingrímsson, 7. þm. Suðvest., í annarri Björt Ólafsdóttir, 6. þm. Reykv. n., og í þriðju umferð Brynhildur S. Björnsdóttir, 6. þm. Reykv. s.

Fyrir Pírata tala Jón Þór Ólafsson, 10. þm. Reykv. s., í fyrstu umferð, Helgi Hrafn Gunnarsson, 10. þm. Reykv. n., í annarri umferð og Birgitta Jónsdóttir, 12. þm. Suðvest., í þriðju.