fjárlög 2015.

Virðulegi forseti. Mig langaði að spyrja hv. þingmann hvort honum þætti ábyrgt að eyða tekjum ríkissjóðs, sem koma til af bankaskattinum, í að borga skuldir fólks frekar en skuldir ríkissjóðs með hliðsjón af því að hv. þingmaður leggur ríka áherslu á að skuldastaða ríkissjóðs sé mjög slæm, sem er satt og ég er hjartanlega sammála. Það er einmitt þess vegna sem mér finnst það augljóst að bankaskattur ætti að fara í það, sérstaklega með hliðsjón af því að bankarnir ollu hruninu þegar allt kemur til alls, ásamt fleiri þáttum augljóslega.

Mig langar bara að spyrja hv. þingmann þessarar einföldu spurningar: Telur hann þetta vera ábyrga nýtingu á bankaskattinum?