virðisaukaskattur o.fl.
Hæstv. forseti. Ég þakka hv. þm. Helga Hjörvar fyrir ágætisræðu. Hann fór vítt yfir. Ég hlustaði ekki alveg á ræðu hv. þingmanns en hann kom inn á marga þætti. Ég tel ástæðu til að ítreka að heildaráhrifin í því frumvarpi sem við ræðum hér í allan dag, um breytingu á lögum um virðisaukaskatt og brottfall laga um vörugjald og breytingu á lögum um tekjuskatt, eru jákvæð fyrir heimilin. Ég taldi rétt að árétta það.
Hv. þm. Helga Hjörvar varð hins vegar tíðrætt um einn einstakan þátt sem er hækkun á matvælum úr 7% í 12%.
Ég vil minna hann á heildaráhrifin og spyrja hann að lokum: Er hv. þingmaður á móti því að afnema vörugjöld?