viðvera heilbrigðisráðherra í umræðu um sölu áfengis.

Herra forseti. Ég hlýt að taka eindregið undir þær athugasemdir hv. þm. Ögmundar Jónassonar. Ég hafði hugsað mér að eiga orðastað við hæstv. heilbrigðisráðherra en ég hef ekki sett mig á mælendaskrá, enda er hann ekki í húsi. Ég bíð því með að gera það þar til hann kemur. En ég vil upplýsa að ég hef hug á því að ræða við hann um nýútkomna skýrslu Alþjóðaheilbrigðismálastofnunarinnar, sem var gefin út í maí síðastliðnum, um ástand í aðildarríkjum stofnunarinnar, þar á meðal ástandið á Íslandi, í þessum málum, áfengisvarnamálum og afleiðingum áfengis á lýðheilsu. Til þess er nauðsynlegt að hæstv. ráðherra sé hér á staðnum. Ef ekki þá tek ég undir það að nauðsynlegt sé að fresta þessari umræðu þar til hann á heimangengt.