verslun með áfengi og tóbak o.fl.

Herra forseti. Ég er ekki þeirrar skoðunar að þessi breyting ein og sér muni auka langtímavanda af áfengi. Ég held að það sé alveg jafn mikil hætta á því að menn ánetjist áfengi þar sem þeir fara inn í musterið og kaupa þrjár, fjórar flöskur í einu af því að þeir eru komnir þangað eða hvort þeir kaupa eina flösku í matvöruverslun. Ég hugsa að það sé frekar minni hætta þar en í áfenginu en við getum unnið gegn þessu með forvörnum, með því að upplýsa fólk einmitt um hættuna á skorpulifur og hættuna af langtímadrykkju, um hættuna af því að það renni ekki almennilega af fólki. Það er nefnilega stórhættulegt.

Ég mundi sem sagt vilja leggja verulega mikla áherslu á forvarnir.