fjáraukalög 2014.
Virðulegi forseti. Ég þakka fyrir þessa ábendingu. Ég get alveg tekið undir það að það má alltaf bæta vinnubrögðin. En þessar tvær stofnanir, Landbúnaðarháskólinn á Hvanneyri og Hólaskóli, báðir þessir skólar, hafa verið mjög til umræðu í nefndinni vegna rekstrarvanda.
Það hefði kannski mátt kynna þessar tillögur fyrr fyrir minni hlutanum en þetta var ákvörðun sem meiri hluti nefndarinnar tók. Til dæmis með Hóla; það er skóli sem byggir kennslu sína á ræktun og tamningu o.s.frv. Þetta hefur leitt til þess að skólinn þurfti að bregðast við með fóðurkaupum og endurræktun túna sem dæmi.
Við vissum af vandanum og kannski á þetta ekki að þurfa að koma minni hlutanum mikið á óvart en þetta varð lokaniðurstaðan hjá meiri hluta fjárlaganefndar. Við leggjum þetta til og óskum eftir stuðningi við þessa tillögu.