fjáraukalög 2014.
Virðulegi forseti. Þessi liður er einmitt ágætur vitnisburður um agaleysið og óvönduðu vinnubrögðin. Hér eigum við að samþykkja að 40 milljarðar komi inn í ríkissjóð án þess að hafa samþykkt lög sem gera þá færslu að stórum hluta mögulega. Þetta er í raun alveg ótrúlega undarlegt.
Svo eru líka í þessum lið arðgreiðslur úr viðskiptabönkunum, aðallega úr Landsbankanum sem við í Bjartri framtíð höfum lengi bent á að væru á leið inn í ríkissjóð.
Við vildum að þeim pening yrði varið í að greiða niður skuldir ríkissjóðs og til að fara í arðbærar fjárfestingar í fjölbreyttu atvinnulífi og nauðsynlegt viðhald og uppbyggingu grunnstoða samfélagsins. (Forseti hringir.) Ríkisstjórnin ætlar ekki að gera það og það munum við sjá í atkvæðagreiðslu í öðrum lið hér á eftir.