ýmsar forsendur fjárlagafrumvarps 2015.

Ég þakka svarið. Ég tel að ég og hv. þingmaður túlkum einmitt þessa aðgerð rétt, hún er eingöngu skilaboð til langtímaatvinnulausra um að þeir séu einhvers konar annars flokks hópur í íslensku samfélagi og það sé sjálfsagt að senda þá á sitt sveitarfélag.

Ég er sammála því að það hefur frekar lítið heyrst í Samtökum atvinnulífsins og sveitarfélögunum. Á fundi velferðarnefndar kom þó fram mikil óánægja hjá sveitarfélögunum með að ekki hefði farið fram kostnaðarmat á áhrifum frumvarpsins á sveitarfélögin. Ég hef kallað eftir því með fyrirspurn til fjármálaráðherra og ekki fengið nokkur svör þó að liðið sé vel á annan mánuð.

Þá að jöfnun örorkubyrði, ég er mjög ánægð með að það hafi orðið þó einhver breyting á því en ég velti fyrir mér: Hafa verið lagðir fram reikningar á því í nefndinni hvaða áhrif þetta hafi á lífeyrisréttindi í almennu sjóðunum?